Azərbaycan Respublikasının Vəkillər Kollegiyası, Azərbaycan Respublikasının Gənclər Fondu və Gənclərin Maarifləndirilməsinə Dəstək İctimai Birliyinin birgə təşkilatçılığı ilə hüquq fakültəsinin tələbələri arasında  29 fevral – 10 mart tarixləri aralığında “Biz gələcəyin vəkilləriyik” adlı qış məktəbi təşkil ediləcəkdir.

Qış məktəbinin əsas məqsədi ölkə ərazisində vəkillik fəaliyyətinin təşviq edilməsi, hüquq fakültəsi tələbələrinin vəkillik fəaliyyəti sahəsində biliyinin artırılması, hüquqşünas tələbələr arasında bu sahəyə marağın yaradılması, gənc hüquqşünaslarla Vəkillər Kollegiyası arasında əlaqələndirmənin qurulmasından ibarətdir.

Qış məktəbində ölkənin bütün ali təhsil müəssisələrinin hüquq fakültəsində təhsil alan  bakalavr tələbələri tam ödənişsiz olaraq iştirak edə bilərlər.

Bir neçə mərhələdən ibarət olan seçim prosesinin ilkin mərhələsi təşkilat komitəsi tərəfindən motivasiya məktublarına əsasən aparılacaqdır. 300 sözdən ibarət olan motivasiya məktubunda tələbələrin vəkillik fəaliyyəti ilə əlaqədar düçüncələri və  qış məktəbindən gözləntiləri aydın qeyd olunmalıdır.

Birinci mərhələdən uğurla keçmiş namizədlər 24-25 fevral tarixində online qaydada təşkil olunacaq ikinci mərhələdə iştirak etmək şansı əldə edəcəklər.

Qış məktəbinin açılış mərasimi 29 fevral Bakı şəhərində, düşərgə isə 8, 9, 10 mart tarixində Naftalan şəhərində keçiriləcəkdir.

Son qeydiyyat tarixi: 22.02.2024, 23:59.

Qeydiyyatdan keçmək üçün aşağıdakı linkə keçid edə bilərsiniz.

Əlaqələndirici şəxs: Rəşad Həsənəliyev – Vəkillər Kollegiyasının Akademiyası (+994) 050 738 24 07