Pekindəki Kosmik Fizika və Tətbiqi Texnologiyalar İnstitutunun çinli alimləri Cənubi Amerika və Atlantik okeanının cənubu üzərində yerləşən Yerin maqnit sahəsində böyük oval formalı bölgə olan Cənubi Atlantika Anomaliyasında qeyri-adi effekt aşkar ediblər. Tədqiqat Geophysical Research Letters (GRL) jurnalında dərc olunub.

Cənubi Atlantika Anomaliyası planetin maqnitosferinin ən nazik olduğu ərazidir. Peyk müşahidələrinin göstərdiyi kimi, bu zona Yerin Cənub Yarımkürəsində auroraların əhəmiyyətli dərəcədə zəifləməsinə səbəb olur.

Tədqiqatın aparıcı müəllifi Zhi-Yang Liunun fikrincə, anomaliyanın zəifləmiş maqnit salınımları günəş hissəciklərinin atmosferə ötürə biləcəyi enerjinin miqdarını azaldır, lakin zəifləmiş auroranın fizikası tam başa düşülməyib.

Atmosfer və günəş enerjisi arasında mənzərəni daha da çətinləşdirən əks əlaqə effektləri ola bilər. Alim qeyd edib ki, gələcək tədqiqatlar eyni zamanda digər planetlərdə də oxşar hadisənin olub-olmadığını öyrənməyə imkan verəcək.