Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və Gənclərin Tərəqqisinə Dəstək İctimai Birliyinin təşkilatçılığı ilə “Gənc Liderlərin İctimai İştirakçılıq Akademiyası” layihəsinin təlimləri keçirilir.

“Gənc Liderlərin İctimai İştirakçılıq Akademiyası” layihəsinin əsas məqsədi cəmiyyətimizdə ictimai nəzarət mexanizmlərini yaradan və tətbiq edən gənc liderlərin hazırlanması və icma ictimai iştirakçılıq bacarıqlarının inkişaf etdirilməsidir. Təlim nəzəri və praktiki hissə olmaqla, iki hissədən ibarət olub, nəzəri hissədə qanunların yazılma üslubu ilə tanış olan iştirakçılar praktiki hissədə qanun layihəsi hazırlayaraq, müzakirəyə çıxarıblar.

Qeyd edək ki, bu layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin elan etdiyi kiçik qrant müsabiqəsinin qalibidir. Layihənin icra planına əsasən, müxtəlif ixtisaslarda təhsil alan iyirmi gənc seçilərək, təlimlərdə iştirak etmək hüququ qazanıb.