18 mart 2026-cı il tarixində saat 12:00-da Azərbaycan Dövlət İqtisad Universitetinin İnnovasiya və Biznes Mərkəzində AAzərbaycan Respublikasının Gənclər Fondunun dəstəyi ilə həyata keçirilən Gənclərin Tərəqqisinə Dəstək İB-nin “Konstitusiya Qərar Verir” layihəsinin təqdimatı və Konstitusiya mövzusunda interaktiv görüş keçirilmişdir.

Tədbirdə layihənin innovativ yanaşması – Duolingo tipli mərhələli öyrənmə sistemi, oyunlaşdırılmış modullar və qərarvermə simulyasiyaları iştirakçılara təqdim olunmuşdur.

İştirakçılar real həyat situasiyalarına uyğun hazırlanmış hüquqi tapşırıqları yerinə yetirərək Azərbaycan Respublikasının Konstitusiyası-nın maddələrini daha dərindən mənimsəmişlər. Görüş interaktiv diskussiya formatında keçmiş, tələbələrin sualları cavablandırılmış və onların fikirləri dinlənilmişdir.